ABŞ-da naməlum şəxs gecə klubunun qarşısında atəş açıb, 2 nəfər ölüb, 6 nəfər yaralanıb

Naməlum şəxs ötən gecə Luiziana ştatının Slaydel şəhərində gecə klubunun qarşısında atəş açıb. ÜAK-ın “İTAR-TASS”a istinadən verdiyi xəbərə görə, insident nəticəsində 22 və 23 yaşlarında olan 2 şəxs ölüb, daha 6 nəfər isə yaralanıb. Hadisə şahidlərinin sözlərinə görə, atışmadan əvvəl gecə klubunda dava baş verib. Sonradan gecə klubunun qarşısında davam edən münaqişə zamanı odlu silahdan istifadə edilib. Polis hələlik atəş açanın şəxsiyyətini müəyyən etməyib. Qeyd edək ki, bir neçə gün əvvəl İrvinqton şəhərində baş vermiş analoji insident nəticədinfə 3 nəfər ölüb, 2 nəfər isə yaralanıb.